ប្រហែល ជាមិត្តអ្នកអាន ឆ្ងល់ថា មានទូរស័ព្ទ HTC Quattro ដែរ។ នេះមិនមែនជាឈ្មោះទូរស័ព្ទទេ តែវាគឺ ជាឈ្មោះ Tablet របស់ក្រុម HTC ដែលបំពាក់បច្ចេកវិទ្យាចុងក្រោយបំផុត។តើវាទំនើបយ៉ាងណា?
តាមប្រភពពត៌មានលេចលឺបានឲ្យដឹងថា Tablet មួយនេះ នឹងអាចបំពាក់ទៅដោយ CPU NVIDIA ប្រភេទ Quad-core (មាន core processor ចំនួន៤) រួមជាមួយនឹង resolution លើអក្រង់១០.១អ៊ីងរបស់វាគឺ ១២៨០x៧៦៨ pixelsផងដែរ។ វាមានកំរាស់ប្រហែលជា ៩មីល្លីម៉ែត្រ គឺស្តើងជាង ipad2 របស់ Apple ទៀត ហើយជាការបន្ថែមនោះ គឺមានបំពាក់ Beats Audio ដែលល្បីខាងសំលេងនាបច្ចុប្បន្ននេះ។
សំរាប់ផ្នែក Software វិញគឺវាប្រើប្រាស់ប្រពន្ធ័ប្រតិបត្តិការចុងក្រោយរបស់ Android គឺ4.0 (Ice Cream sandwich) រួម ជាមួយ HTC Sense4.0, HTC Watch, HTC Read, HTC Listen គឺតំលើងមកជាមួយតែម្តង។
តាមពិតទៅវាអាចនឹងត្រូវប្រកាសខ្លួនចេញលក់ ក្នុងកំឡុងរដូវកាល Christmas ឆ្នាំនេះដើម្បីប្រកួតជាមួយនឹង Asus Transformer។ តែបើតាមគេហទំព័រ Digitimes គឺវានឹងត្រូវពន្យារហូតដល់ខែ មីនា ឆ្នាំ ២០១២ដោយមិនមានបញ្ជាក់មូលហេតុនោះទេ។
យ៉ាងនេះក៏ដោយយើងសង្ឍឹមថា HTC នឹងចេញផ្សារនូវ Tablet របស់ខ្លួនឲ្យមានភាពល្បីល្បាញដូចទូរស័ព្ទដែរ ខណៈដែល Tablet ដែលកំពុងចរាចរណ័ក្នុងស្រុកគឺ HTC Flyer ហាក់ដូចជាមិនសូវមានប្រជាប្រិយភាពនោះ។
No comments:
Post a Comment