រយៈពេលចុងក្រោយនេះ ទីផ្សារហ្គេមលើទូរស័ព្ទ Smartphone មានការកើនឡើងគួរឲ្យកត់សំគាល់ ជាពិសេសចាប់តាំងពី AppStore របស់ Apple បានជំរុញឲ្យអ្នកផលិតហ្គេម និងក្រុមហ៊ុនផលិតឲ្យងាកមកចាប់អារម្មណ៍ ជាមួយការផលិតហ្គេមលើទូរស័ព្ទវិញ។
សំរាប់ពេលនេះយើងមានឧបករណ៍មួយទៀតដែលមានឈ្មោះថា Gametel Gaming Controller ដែលផលិតដោយ Fructel's ផ្តល់ដំនោះស្រាយដ៏ល្អសំរាប់ អ្នកលេងហ្គេមលើទូរស័ព្ទ។
បច្ចុប្បន្នយើងឃើញថា មានតែ Sony Ericsson Xperia Play តែមួយប៉ុណ្ណោះ ដែលដំណើរការលើប្រព័ន្ធAndroid ជាប្រភេទទូរស័ព្ទលេងហ្គេមដោយសារវា PSP engine និងមាន key សំរាប់លេងភ្ចាប់ជាមួយទូរស័ព្ទតែម្តង។
វាត្រូវបានរចនាសំរាប់ដាក់ឲ្យដំណើរលើចាប់ពី Android Eclair 2.1.1 ឡើងទៅ។ វាអាដាក់ ទូរស័ព្ទ តាមរយៈ spring-loaded bracket ដែលស្ថិតនៅផ្នែកខាងលើ ហើយភ្ជាប់ តាមរយៈ Bluetooth។ ចំពោះ រយៈពេលប្រើប្រាស់វិញ គឺវាអាចប្រើបានដល់រយៈពេល ៩ម៉ោង ។ ចំពោះការសាកថ្មវិញ គឺគ្មានភាពស្មុគស្មាញទេ អាចស្គាល់ទូរស័ព្ទបានទៅដល់៥០ប្រភេទទៀតផង។
ដោយសារតែទូរស័ព្ទមួយចំនួន អាចភ្ជាប់ទៅកាន់ទូរស្សន៍ ដែលមានអេក្រង់ធំបានតាមរយៈ HDMI ឬ Wireless (DLNA) វារិតតែធ្វើឲ្យការលេងហ្គេមរិតតែងាយស្រួលមួយកំរិតទៀត។
ចំពោះតំលៃរបស់វាគឺប្រហែលជា ៥០ផោន(ប្រហែល ៧០ដុល្លារ) ហើយអាចមានលក់ក្នុងខែធ្នូនេះហើយ។
No comments:
Post a Comment