ជីកឬស Galaxy Note ( how to root Galaxy Note)

Galaxy Note ជាទូរស័ព្ទ android សេរ៊ីចុងក្រោយ ក្នុងត្រូកូល Galaxy របស់ក្រុម​ហ៊ុន​ Samsung។ វាមានលក្ខណៈកូនកាត់ រវាង Tablet និង​ទូរស័ព្ទ។ ដោយ​សារ​អេក្រង់ ៥.៣​អ៊ីង របស់វា ធ្វើឲ្យយើង​គិតថា វាជា​ទូរស័ព្ទ យ៉ាងធំ តែជា Tablet តូចមួយវិញ។

មិនទាន់ចេញលក់​បានប៉ុន្មាន ផង គឺគេអាចជីកឬស​វាបានបាត់ទៅហើយ (root)។ តែសូមបញ្ជាក់ដែរថា បើសិនជាមាន កំហុសកើតឡើង ខ្ញុំមិនទទួលខុសត្រូវ ទេ ហើយអ្នកធ្វើអាចប្រឈមមុខការ brick ដោយខ្លួនឯង។

កុំឲ្យខាតពេលយូរយើងទៅមើលរបៀបវាសិន តែដំបូងយើងត្រូវ បំពេញលក្ខខណ្ឌមួយចំនួនសិនដូចជា៖

• ត្រូវសាកថ្មឲ្យពេញ


• មានខ្សែរតំណរភ្ជាប់ Micro USB


• មាន​ប្រព័ន្ធ​ប្រតិបត្តការណ៍​ជា​ប្រភេទ​ Windows


• ចាំបាច់​ត្រូវ​តែ​ដំលើង  USB driver របស់​ Galaxy note ជាមុនសិន ដំបូងគ្រាន់តែភ្ជាប់តាម USB ពីទូរស័ព្ព​មក គណិតូបករណ៍(computer )។ យើង​ត្រូវ​បើក USB Debugging ក្នុង Application setting។ តែបើតំលើងមិនបាន ត្រូវរក Samsung Kies ជំនាន់ចុងមកតំលើង ជាការស្រេច។


• កញ្ចប់ឧករណ៍ផ្សេងៗដើម្បីroot អាចរកបាន ទីនេះ

បន្ទាប់ពីមានគ្រប់យ៉ាង មកយើងឈានមកដល់ ដំណាក់ការរន្ទត់ របស់ Android ដែលអ្នក ប្រើប្រាស់ iOS គ្មានវាសនានឹង ជួបអារម្មណ៍បែបនេះទេ។

1. បើកម្មវិធី Odin ហើយវានឹងបង្ហាញដូចរូបខាងក្រោម៖


2.   ចុចលើប៊ូតុង PDA ហើយស្វែង CWM​ recovery ដែលបានក្នុងកញ្ចប់ដែលបានទាញយក


3.  ពិនិត្យមើលឲ្យជាក់ច្បាស់ថា "re-partition" មិនត្រុវបាន Check (មិនជាប់ធីក)


4.  បិទទូរស័ព្ទហើយ ហើយកំនត់ឲ្យចូលទៅក្នុង Download mode ។ វិធី​ចូល​ទៅ Download mode គឺមិនខុសពី ទូរស័ព្ទ Galaxy ផ្សេងៗប៉ុន្មានទេ គឺត្រុវ ចុច ប៊ូតុង volume down + Home + power ពេលនោះវានឹងចូលទៅហើយ តែបញ្ជាក់បន្តិចថា ត្រុវចុចតាមលំដាប់លំដោយដូចប្រាប់។


5.  ធ្វើតាមការណែនាំដែលមានក្នុង អេក្រង់ ដោយចុចប៊ូតុង Volume upដើម្បីចូលទៅក្នុង Download Mode ហើយបន្ទាប់​មក វាមាន ផ្ទាំងមួយទៀត​ដូច​រួប​ចេញ​មកស្វាគមន៍​អ្នក​ហើយ។


6.  ភ្ជាប់ទូរស័ព្ទទៅគណិតូបករណ៍(computer) ហើយចាំមួយប្រាវ។ ក្រោយមក Odin វានឹងស្គាល់ទូរស័ព្ទហើយ ហើយបង្ហាញ​ដូច​រូប​ខាង​ក្រោម៖


7.  ចុចប៊ូតុង Start របស់ Odin


8. ពេលចុចហើយ Odin នឹងចាប់ផ្តើម Flash Kernel ទៅកាន់ទូរស័ព្ទ ហើយពេលបានជោគជ័យ​វានឹង បង្ហាញ​ដូច​រូប​ខាង​ក្រោម៖


9.  ក្រោយមក វានឹង reboot ហើយត្រូវផ្តាច់ USB ពីទូរស័ព្ទ


10. បន្ទាប់មក ត្រូវ boot ចូល recovery mode ស្រដៀងនឹងការចូលទៅក្នុង Download Mode តែត្រូវចុច  Volume Up + home + Power 


11. មកដល់ដំណាក់កាលនេះ ទូរស័ព្ទមិនទាន់ជីកឬុស​ (root) បានសំរេចទេ តែជាដំបូងគឺត្រុវ back up ជាមុនសិនដោយប្រើ Nandroid backup ឬ Nand។​ ចំពោះរបៀប Backup គឺមិនខុសគ្នាទៅហ្នឹងការប្រើ Nand ក្នុង Galaxy S II ទេ។


12. បន្ទាប់ពី Backup បានសំរេចហើយ ត្រូវទៅកាន់ Home របស់ Recovery ហើយ ហើយFlash ឯកសារ SU ដែល​មានក្នុង​កញ្ចប់​របស់ ខ្ញុំដែលបានទាញយក ដូចខាងដើម


13. បន្ទាប់ពី flash រួចហើយគឺទូរស័ព្ទរបស់អ្នក root រួចហើយ។ តែចាំបាច់ត្រុវតែ back up directoryឈ្មោះ EFS ឲ្យបានឆាប់ជាកាស្រេច។

មើលទៅងាយខ្លាំងណាស់មែនទេ? សាកល្បងវាដោយខ្លួន ឯងទៅចុះ ហើយត្រូវតែធ្វើតាមលំដាប់លំដោយឲ្យច្បាស់លាស់។

ប្រភព: AndroidNZ