គ្រប់គ្នាដែលជាអ្នកប្រើប្រាស់ ប្រព័ន្ធប្រតិបត្តការរបស់ Android សុទ្ធតែកំពុងរងចាំមើល ប្រព័ន្ធប្រតិបត្ថការថ្មី គឺ Ice Cream Sandwich (ICS)។ មានពាក្យចចាមអារ៉ាមជាច្រើននិយាយថាទូរស័ព្ទដែលមានវាសនាបាន ភ្លក្សរសជាតិ ICS មុនគេគឺ Nexus Prime ដែល ស្ថិតក្នុងត្រកូល Nexus។ បើតាមគំរោង គឺវានឹងត្រូវប្រកាសឲ្យប្រើ ឆាប់ៗនេះ គឺថ្ងៃទី ១៤ តុលានេះហើយ ជាមូយហ្នឹងទូរស័ព្ទ Google Nexus Prime តែម្តង។ តែយោងទៅតាម Twit របស់ Eldar Murtazin ដែលជាអ្នកដែលផ្តល់ ព៌តមានជាច្រើន ដែល ទាក់ទង ជាមួយនឹង ICS បាននិយាយថា វានឹងមានការពន្យាពេល តទៅទៀត។មូលហេតុសំខាន់ដែលធ្វើឲ្យមានការពន្យានេះ គឺដោយសារតែមាន feature មួយចំនួនរបស់ ICS បានបំពានប៉ាតង់ផ្សេងៗ ហើយក្នុងគោលបំនង ចៀសវាង ពីបញ្ហាផ្សេងៗ Google បានសំរេចចិត្តលុបចោល នៅ feature មួយចំនួន ដែលបំពានប៉ាតង់។ ចំនែកកាងារនេះក៏ត្រូវបានបញ្ជាក់ផងដែរថា វានឹងគ្មានពេល កំនត់ថាតើពេលណានឹងរួចរាល់នោះទេ។ យើងជាអ្នកប្រើប្រាស់តែងតែគិតថា Google សាង ICS ដោយប្រើប្រាស់ បញ្ញសម្បត្តិ(intellectual property) ដោយមិនបំពានរបស់អ្នកណាម្នាក់ឡើយ តែអ្វីៗវាមិនដូចការគិតឡើយក្នុងសង្រ្គាម ប៉ាតង់។ ដូចនេះវិធីមានតែមួយគឺយើងមានតែរង់ចាំទៀត។
ប្រភព Pocketnow.com
No comments:
Post a Comment