និយាយពីអេនដ្រយ (Android)

Friday, August 5, 2011

តើគួរតែ Root Android ដែរឬទេ?

មានមនុស្សជាច្រើនតែងតែសួរថា អ្វីទៅជា Root? ហើយវាមានប្រយោជន៍អ្វីខ្លះ? តើគេធ្វើហើយវាមានធ្វើឲ្យប៉ះពាល់អ្វីខ្លះ? តើគេធ្វើវាដោយរបៀបណា?

Root ជាដំនើរការមួយដែលអនុញ្ញាតឲ្យ អ្នកប្រើប្រាស់ មានសិទ្ធចូលទៅកាន់ Super User ដែលមានសិទ្ធគ្រប់យ៉ាងក្នុងប្រព័ន្ធ។ Android ជាប្រព័ន្ធប្រតិបិត្តការដែល យក Linux Kernel មកប្រើប្រាស់ ដូចនេះហើយ ស្នូលនៃប្រព័ន្ធគឺដូចគ្នានឹង Linuxស្ទើតែទាំងអស់។ ដោយសារវាដំណើរការលើទូរស័ព្ទ ដែល hardware មានកំរិតដូចនេះហើយ Feature ជាច្រើនត្រូវបានដកចេញ ដើម្បីឲ្យដំណើរការបានលឿន។ នៅក្នុង លីនុច ចែកជាអ្នកប្រើប្រាស់បី ប្រភេទគឺ Super User (Root), Normal User (User ដែលយើងប្រើសព្វថ្ងៃតែអត់មានសិទ្ធដូច Root) និង Locked User (User ដែលប្រើសំរាប់ដំណើរ Service ផ្សេងៗ)។ ដូចនេះយើងដឹងហើយ ថា Root ជាអ្វី។
ជាបន្ទាប់យើងពិនិត្យមើលថាតើវាមានប្រយោជន៍អ្វីខ្លះ? មានមូលហេតុមួយចំនួន ដែលធ្វើឲ្យយើងសំរេចចិត្ត Root វា៖
-      អាចតំលើងពុម្ពអក្សខ្មែរ Unicode អាចប្រើបាន តែពេលនេះមិនទាន់អាច ប្រើបានទេ ដោយសារមានបញ្ហាមិនទាន់ Render ជើង និងស្រៈ មួយភាគធំមិនទាន់ត្រូវល្អ
-    អាចធ្វើការដំលើងជំនាន់ Android ROM ដោយមិនចាំបាច់រង់ចាំពីក្រុមហ៊ុនទូរស័ព្ទដែលយើងប្រើ។ ឧទាហរណ៍៖ SE X8 មានអស់ត្រឹមតែ 2.1 update 1ដែលក្រុមហ៊ុននឹង មិនដំលើង ឲ្យដល់ 2.3 ដូចទូរស័ព្ទផ្សេងទេ ដូចនេះបើចង់ដំឡើង មានតែ ដាក់ Custom ROM
-     អាចតំលើង និងប្រើប្រាស់កម្មវិធីមួយចំនួន ដែលទាមទារសិទ្ធ Root ព្រោះវាត្រូវធ្វើការដោយផ្ទាល់ជាមួយប្រព័ន្ធ។ ជាធម្មតាក្រុមហ៊ុនតែងតែបិទសិទ្ធ ទាំងនោះដើម្បីកុំឲ្យអ្នកប្រើប្រាស់ តំលើងកម្មវិធីមួយចំនួនដែលធ្វើឲ្យម៉ាស៊ីនគាំងជាដើម។ កម្មវិធីទាំងនោះ មាន៖ Font changer, Android Font Switcher, SetCPU…ជាដើម។

-          អាចរំកិលកម្មវិធីដែលដំលើងរួចដាក់អង្គចងចាំក្រៅបាន (SDcard) ដោយត្រូវ partition អង្គចងចាំជាប្រភេទ Ext 2/3/4 ដែលជា File system របស់លីនុច អាចឲ្យយើងអាចដំលើងកម្មវិធី បានច្រើនជាងការប្រើអង្គចងចាំក្នុង។ App2SD ជាកម្មវិធីសំរាប់ប្រើសំរាប់រំកិល។

-          អាចប្រើ Feature មួយចំនួនដែលរោចក្រផលិតដកចេញ។ ឧទាហរណ៍៖ Live wallpaper មួយដែលមានឈ្មោះថា Nexus ដែលភ្ជាប់មកស្រាប់ក្នុងប្រព័ន្ធនោះ ត្រូវក្រុមហ៊ុនមួយចំនួនដូចជា Samsung និង HTC បានដកវាចេញ។

-          អាចតំលើង Custom Theme ដែលធ្វើឲ្យ Interface កាន់តែទាក់ទាញខ្លាំងឡើង

-          ...

ជាមួយគុណសម្បត្តិវាក៏មានគុណវិបត្តិមួយចំនួនដែរដូចជា

-          ធ្វើការធានារអស់ប្រសិទ្ធភាព

-          ប្រឈមមុខនឹងការធ្វើឲ្យឧបករណ៍ខូចរហូតប្រើការមិនបាន(Brick)

-          អាចឆ្លង Malware ផ្សេង

-          អាចធ្វើឲ្យប្រព័ន្ធគាំងទាំងស្រុង បើសិនជាច្រលំដៃលុប file system មួយណាដោយចៃដន្យ

-          Hacker អាចជ្រៀតចូលហើយលួចយកទិន្ន័យសំខាន់ៗ

-          អាចធ្វើឲ្យឡើងកំដៅម៉ាស៊ីនច្រើនជាងមុន

-          ....

ចំពោះរបៀបការ Root មានច្រើនប្រភេទអាស្រ័យលើ ប្រភេទនៃទូរស័ព្ទ។ តែវិធីល្អជាងគេគឺប្រើកម្មវិធី Root ល្អជាងការធ្វើផ្ទាល់ដៃ។ មានកម្មវិធី ២-៣ សំរាប់ឲ្យគេអាច Root បានគឺ៖
SuperOneClick, Universal Androot, Z4root និង Gingerbreak។ កម្មវិទាំងនេះគឺមិនអាចប្រើបានគ្រប់តែឧបករណ៍ទេ។ ចំពោះរបៀបធ្វើយ៉ាងខ្ញុំនឹងរៀបរាប់តាមក្រោយ។ បើចង់បាន File សំរាប់ទាញយកសូមចូលទៅកាន់តំណ៖http://punareay.site88.net/bk/data/androidRoot/

ជាបញ្ចប់ចំពោះការសំរេចចិត្តថា Root ឬអត់វាស្រ័យលើការសំរេចចិត្តនិងតំរូវការរបស់អ្នកប្រើប្រាស់។ ធម្មតាយើងចំនាយលុយទិញរបស់អស់លុយត្រូវតែប្រើវា ឲ្យអស់សមត្ថភាព មិនមែនធ្វើអី្វតាមតែគេឲ្យមក ហើយអត់សិទ្ធគ្រប់យ៉ាង។ ជាយោបល់បុគ្គល ខ្ញុំយល់ថា Root មានប្រយោជន៍ច្រើនជាងតែ យើងត្រូវមើលជំហ៊ានឲ្យបានច្បាស់ និងមើល លទ្ធិផលដែលអ្នកផ្សេងធ្វើផង បើគេភាគច្រើនថាមិនល្អហើយ កុំចចេសធ្វើឲ្យសោះក្រែង ធ្លោយការណ៍ទៅជាអាសារបង់។

Monday, July 18, 2011

Death grip នៅលើ HTC Sansation

គ្រាន់តែបានមកដល់ដៃភ្លាម សាកភ្លែត អាបញ្ហាស៊ីញាល់ ពេលភ្ជាប់បណ្តាញអត់ប្រើខ្សែរ។ បើសិនជា Wifi នៅឆ្ងាយ អាចមានបញ្ហាពេលយកដៃបាំង នៅម្តុំប្រហោងទាំងបី ផ្នែកលើ ខាងក្រោយទូរស័ព្ទ នោះវាចុះមកត្រឹមអត់មានតែម្តង។ តែប្រើ 3G វិញគ្មានបញ្ហាអីទាំងអស់!
សំរាប់ការប្រើប្រាស់ជាទូទៅ ឃើញថា Sense UI 3.0 ពិតជាឡុយណាស់។ ការបង្ហាញ ជាលក្ខណៈ 3D ពិតជាគួឲ្យចាប់អារម្មណ៍យ៉ាងខ្លាំង។ តែល្បឿនរបស់វាដូចជាមិនសូវលឿនដូច អ្វីដែល 1.2GHz Dual core នោះទេ។ បើប្រៀបធៀបជាមួយ Galaxy SII វាមិនអាចស៊ូបានទេ។

Tuesday, July 5, 2011

វិធីយកភាពដើមរបស់ Ubuntu Desktop ដោយមិនបាច់បង្កើតអ្នកប្រើប្រាសថ្មី ឬ ដំឡើងម្តងទៀត

សុខៗ ស្រាប់តែ gnome desktop របស់ខ្ញុំប្តូរអស់រលីង អត់មានអីមើលទេ សូម្បីគេ online ហើយ ខំហៅចង់បែកសសៃករ(តាម chat សោះ) ក៏មិនដឹងដែរ។ អង្គុយមួយប្រាវ ស្រាវជ្រាវរកឃើញ ហើយវិធី យកភាពដើមមកវិញ។ ដំបូង ចុច Ctrl + Alt + F1 ដើម្បីចាកចេញពី GUI ហើយអារបៀប ស-ខ្មៅសិន។ ចូលទៅ user ណាដែលមាន Desktop រញ៉េរញ៉ៃ តាមរយៈ Terminal។
ឧទាហរណ៍ៈ បើសិនជា user : ABCStout មានបញ្ហា នោះត្រូវ log ចូលទៅ user ABCStout ហើយ។ បន្ទាប់ពីចូលហើយ កុំទៅណាឲ្យសោះ គឺគ្រាន់តែ វាយឃ្លាបញ្ជា៖
$rm -rf .gnome .gnome2 .gconf .fconfd .metacity

បញ្ជាក់៖

-rm ជាពាក្យបញ្ជាលុប (remove)

- rf ជា option របស់ឃ្លាបញ្ជា rm (r មានន័យ recursive គឺវាលុប file ទាំងអស់ក្នុង Directory ម្តង១ៗ។ ចំនែក f គឺ force មានន័យថា វាបង្ខំលុបចោលទាំងអស់ នូវ file ទាំងឡាយទោះបីជា មានជាប់សិទ្ធរបស់ system ក៏ដោយ)

ក្រោយពីលុបអស់ចិត្ថអស់ចង់ហើយ គ្រាន់តែចុច Ctrl + Alt + F7 ត្រលប់មក GUI វិញ ហើយ log out ទៅ វារួចគ្នាបាត់ទៅហើយ។

Monday, July 4, 2011

តើខ្ញុំគិតពីអី?

ចង់ថាខ្ញុំរើសក៏បាន តែអ្នកមិនដឹងនៅតែមិនយល់ពីអ្វីដែលខ្ញុំគិត។ នេះជាឃ្លាដែលសូម្បីតែរូបខ្ញុំផ្ទាល់ គិតមិនយល់។ អ្នកណាសម័យឥលូវ តែដល់អាយុនេះហើយ គឺសុទ្ធតែស្គាល់រសជាតិ ស្នេហាអស់ហើយ ចំលែកអីតែខ្ញុំ នៅតែរកមិនបាន? ថាខ្ញុំអាក្រក់នោះ ក៏ថាបាន តែសំខាន់ គឺ មកពីខ្ញូំរើសពេកទេដឹង? សំនួរដែលគ្មានចំលើយបែបនេះ សមជាមនុស្សឆ្តួតដែលគ្មានអ្នកណាមើល( មកពីធ្វើសមពេក?) តែកាពិតខ្ញុំចូលចិត្តធ្វើឆ្តតបែបនោះ។

Friday, July 1, 2011

របៀបដាក់ឲ្យ adb shell របស់ Android បានស្គាល់គ្រប់ទូរស័ព្ទទាំងអស់លើ Ubuntu

បើសិនជាប្រើក្នុង Windows នោះបើចង់ឲ្យ adb shell បានស្គាល់គ្រប់គឺគ្រាន់តែដាក់ driver របស់ទូរស័ព្ទវាគ្រប់គ្រាន់បាត់ទៅហើយ។ តែសំរាប់ Ubuntu វាត្រូវការរបៀបដំលើងផ្សេង។ នេះវិធីរបស់វា៖

១. បើ សិនជាមិនទាន់បើក USB Debugging ទេ ត្រូវបើកវាសិន ដោយចូលទៅក្នុង Setting => Application => Developement => USB Debugging

២. ទាញយកកញ្ចប់ Android ពី http://dl.google.com/android/android-sdk_r11-linux_x86.tgz

៣. ពន្លាវាចេញ ហើយដំនើការ /.../android-sdk/tools/android

អានបន្ថែមទៀត »

Wednesday, June 29, 2011

ដេកគិត អង្គុយគិត យលសប្តិក៏គិត(គិតរឿងមិនបានលុយ)

ស្រុកខ្មែរបិតសព្វបិតគ្រប់(និយាយពីរឿងបិតផ្លាស្ទិក)។ ដំបូងគេបិតតែទូរស័ព្ទទេ។ ក្រោយមកទៀត គេបិត laptop។ រីកចំរើនយូរ គេបិតម៉ូតូ។ ដល់ពេលចេះបិតស្ទាត់ គេបិតឡាន។ សង្ស័យតែវិជ្ជាបិតផ្លាស្ទិក ដល់កំពូល ពេលការប្រពន្ធហើយកំភ្លេចយក ទៅបិត ប្រយ័ត្នទុកយូរទៅដីហុយ ឆាប់ចាស់ ហើយទៅរកថ្មី។(គំនិតឡប់ៗ ពីខ្ញុំ)

Sunday, June 19, 2011

សាកលេងរំលឹកអនុស្សាវរីយ៍កាលពីឆ្នាំទី៣បន្តិចសិន

import java.net.*;
import java.util.*;
import java.io.*;
import java.nio.*;

public class IPAdress {
 public String  getInterfaces (){
 	String ips = "IP address: ";
 	
      try {
         Enumeration e = NetworkInterface.getNetworkInterfaces();

         while(e.hasMoreElements()) {
            NetworkInterface ni = (NetworkInterface) e.nextElement();
            System.out.println("Net interface: "+ni.getName());

            Enumeration e2 = ni.getInetAddresses();

            while (e2.hasMoreElements()){
               InetAddress ip = (InetAddress) e2.nextElement();
               //System.out.println("IP address: "+ ip.toString());
               ips = ip.toString();
               
            }
            
         }
        
      }
      catch (Exception e) {
         e.printStackTrace();
      }
       return ips;
 
}

public void writeaddr (){
    	try{
    		IPAdress ipget = new IPAdress();
    		FileWriter fsstream = new FileWriter("c:/out.txt");
    		BufferedWriter out = new BufferedWriter(fsstream);
    		out.write(ipget.getInterfaces());
    		out.close();
    	}catch (Exception e){
    		System.err.println("Erro: " + e.getMessage());
    	}
    	
    }

public static void main(String[] args) {
    IPAdress ip = new IPAdress();
    //ip.getMacAddress(
    	ip.writeaddr();
   }
}
វាមិនទាន់ដើរស្រួលទេ តែវាអាចយកបាន IP address ពីម៉ាស៊ីនយើងកំពុងប្រើបាន ហើយវាផ្ទុកទៅក្នុងឯកសារ១ ដែលយើងជាអ្នកកំនត់។
ធ្វើមិនទាន់ចេញទេ។

Pages